Алматы Қалалық жедел шұғыл көмек көрсету ауруханасында КТ-зертханашыларына арналған оқыту тренингі өтті

2026 жылғы сәуірдің 30-ында Алматы ҚЖШККА-да КТ-зертханашылары үшін «КТ кезінде контрасты күшейтудің негіздері және радиациялық қауіпсіздік» тақырыбында оқыту тренингі ұйымдастырылды.

Іс-шараны Қазақстан онкологтары мен радиологтары қоғамы мен Жоғары медициналық колледж бірлесіп, Bayer Kaz компаниясы мен ҚЖШККА қолдауымен өткізді.

Оқытушылар:

– Динара Байгуисова – Алматы қаласы Қоғамдық денсаулық сақтау басқармасының сәулелік диагностика бойынша штаттан тыс бас маманы, А.Н. Сызғанов атындағы Ұлттық ғылыми хирургия орталығы сәулелік диагностика бөлімшесінің меңгерушісі;

– Насиба Камалова – ҚЖШККА сәулелік диагностика бөлімшесінің дәрігері.

ҚЖШККА сәулелік диагностика бөлімшесінің меңгерушісі Алима Туремуратова тренингті өткізу алаңы ретінде аталған аурухананы таңдаған ұйымдастырушыларға алғыс білдірді. Ол мұндай оқытудың маңызын атап өтіп, КТ-зертханашы жұмысының аса мұқияттылық пен дәлдікті қажет ететінін, өйткені зерттеу сапасы мен диагноздың нақтылығы тікелей осыған байланысты екенін баса айтты. Сонымен қатар қатысушыларға сәттілік тілеп, алған білімді тәжірибеде тиімді қолдануға шақырды.

Тренинг теориялық және практикалық бөлімнен тұрды.

Теориялық бөлімде Динара Байгуисова КТ кезінде контрасты болюстік енгізу қауіпсіздігі мен сәулелік қауіпсіздіктің негізгі қағидалары туралы баяндама жасады. Қатысушылар сұрақ қойып, кәсіби тәжірибедегі өзекті мәселелерді талқылады.

Практикалық бөлім заманауи жабдықта өтті: қатысушылар «Medrad Stellant» инжекторының консолінде және PHILIPS IQon Spectral CT аппаратында жұмыс істеу дағдыларын Насиба Камалованың жетекшілігімен пысықтады.

Бұл тренинг сәулелік диагностика мамандары үшін тәжірибе алмасуға және кәсіби біліктілікті арттыруға арналған маңызды алаң болды.

Алматы Қалалық жедел шұғыл көмек көрсету ауруханасы кадрлық әлеуетті дамыту және заманауи технологияны тәжірибеге енгізу жұмысын жүйелі түрде жалғастырып келеді.