Қалалық жедел шұғыл көмек көрсету ауруханасының базасында Алматы хирургтар қоғамының отырысы өтті.

Кездесуге академик Баймаханов Б.Б.; профессорлар: Сейсембаев М.А., Жураев Ш.Ш., Жанталинова Н.А., Баймаханов А.Н., Абуов С.М.; А.Н.Сызғанов атындағы ҰҒХО, ҚЖШККА, ОҚКА, №7 ҚКА, №4 ҚКА хирургтары, эндоскопистер қатысты.

Талқыланған баяндама тақырыптары асқазан-ішек жолынан қан кету, өңеш пен асқазан тамырларының варикозды кеңеюінен қан кету кезінде жедел хирургиялық көмек көрсетудің өзекті мәселелеріне арналған.

Мақсаты: Алматы қаласында соңғы 3 жылдағы (2020-2022) өңеш пен асқазанның варикозды қан кетуімен ауыратын науқастарды ҚЖШККА негізінде емдеу тәжірибесімен бөлісу. Диагностика мен емдеу және өлімді азайту алгоритмі бойынша пациенттердің осы санатымен айналысатын басқа клиникалардың әріптестерімен ақпарат алмасу.

№1 баяндама: Өңештен және асқазан тамырларының варикозды кеңеюінен қан кеткен науқастарды ҚЖШККА негізінде емдеу нәтижелері.

№2 баяндама: Асқазан-ішектен қан кету: Қазіргі эндоскопиялық менеджмент.

ҚЖШККА хирургия бөлімшесінде 2020-2022 жылдар аралығында «Бауыр циррозы. порталдық гипертензия синдромы. Асқазан-ішектен қан кетумен асқынған өңеш пен асқазан тамырларының варикозды кеңеюінен қан кету» диагнозымен 116 науқас емделді.

Қабылдау бөлімінде науқастардың жағдайын бағалау кезінде 48%-ының гемодинамикасы тұрақсыз ауыр деп бағаланып, жансақтау бөліміне жатқызылса, қалған 52%-ының жағдайы тұрақты деп бағаланып, хирургиялық бөлімшеге жатқызылды.

Ерте диагностиканың нәтижесінде халықаралық ұсынымдарға және Қазақстан Республикасы Денсаулық сақтау министрлігінің 2019 жылғы емдеу және диагностикалау жөніндегі хаттамасына сәйкес эндоскопиялық емдеудің заманауи әдістерін қолдану, өңеш пен асқазанда қан кетумен ауыратын науқастарды басқару бойынша өлім-жітім көрсеткішін 34,2%-дан (2021) 4,6%-ға (2022) дейін төмендете алдық және қайта қан кетулер саны 13%-дан (2021) 3%-ға (2022) дейін төмендеді. Тиісінше, бұл патологияны емдеу кезінде жақсы нәтижелер алынды.

Өңеш пен асқазаннан қан кеткен науқастарды емдеудегі ҚЖШККА хирургиялық қызметінің жұмысы қанағаттанарлық деп танылды.