2022 жылғы желтоқсанның 6-10 аралығында Жоғары медициналық колледжі Оқу-әдістемелік орталығы МҰ бас медбике, аға медбике, инфекциялық бақылау медбикелері үшін «Медициналық көмек көрсетуге байланысты инфекциялар. Инфекциялық бақылау және медициналық қызметкерлердің қауіпсіздігі» мастер-класын өткізді.
Оқытуды Рамбам ауруханасы (Израиль, Хайфа қаласы) жедел жәрдем қабылдау бөлімшесі аға медбикесінің орынбасары Александр Крамский жүргізді.
Аталған шеберлік класына Алматы қалалық жедел шұғыл көмек көрсету ауруханасынан инфекциялық бақылау медбикесі Салтанат Байманапова, хирургия бөлімшесінің аға медбикесі Ғалия Тусупбекова, Травматология бөлімшесінің аға медбике Ирина Курмашева және нейрохирургия бөлімшесінің аға медбикесі Гүлшат Ракишева қатысты.
5 күнге созылған мастер-класс №7ҚКА, ОҚКА, №4ҚКА, Перинатология және балалар кардиохирургиясы орталығы, Алмалы ауданы Алғашқы медициналық-санитарлық көмек орталығы базасында өтті.
Денсаулық сақтаумен байланысты инфекциялар мәселесінің өзектілігі олардың кең таралуымен, айқындалып, стационарлық емделу ұзақтығына, төсек-орын айналымының төмендеуіне, денсаулық сақтау саласының қосымша ресурстарға қажеттілігінің артуына алып келеді.
Мұндай инфекциялардың жиі кездесетін түрлері: хирургиялық инфекциялар, тамырларды катетеризациялаумен байланысты қан ағымы инфекциялары, механикалық желдетумен байланысты тыныс алу жолдарының инфекциялары, зәр шығару көпіршіктерімен байланысты несеп шығару жолдарының инфекциялары және т.б.
Бұл инфекциялардың проблемасы антибиотиктер мен дезинфекциялау құралдарына толық төзімділігі бар қоздырғыштардың «аурухана» штамдарының қалыптасуымен және кең таралуымен тығыз байланысты, бұл пациенттерді емдеу сапасына және профилактикалық шаралардың тиімділігіне теріс әсер етеді.
Инфекциялардың даму қаупі емдік-диагностикалық манипуляциялардың саны мен инвазивтілігімен, медициналық технологиялардың эпидемиологиялық қауіпсіздік дәрежесімен және ауруханалық ортамен, патогендердің қасиеттерімен және науқастардың созылмалы аурулары ағымының сипаттамаларымен, аурудың деңгейімен анықталады. Диагностика мен емдеудің жоғары технологиялық әдістерін қарқынды дамыту және кеңінен қолдану жаңа қауіптердің туындауын тудырады, оның алдын алу және емдеу технологиялары, әдістері мен құралдарын үздіксіз жетілдіру қажеттілігін анықтайды.
Мұндай оқытулар мамандардың кәсібилігін арттыруға ықпал етіп, мамандықтағы маңызды нәрселерді түсінуге, тәжірибе алмасып, жаңадан көп нәрсені үйренуге мүмкіндік береді.
Мастер-класқа қатысушылар сәйкес сертификаттармен марапатталды.
