Маусымның 9-10 аралығында №4 қалалық клиникалық аурухана базасында академик Н.Д.Батпенов атындағы ҰҚКО, С.Д.Асфендияров атындағы ҚазМУ травматология және ортопедия кафедрасы және Қазақстандық травматолог-ортопедтер қауымдастығы қолдауымен травматолог-ортопедтер үшін білім беру курсы өтті.
Курсқа арнайы Мәскеудегі Н.Н.Приоров атындағы ұлттық медициналық ғылыми орталығының №15 травматологиялық-ортопедиялық бөлімшесінің меңгерушісі, м.ғ.д, профессор Глеб Коробушкин келіп, дәріс оқыды.
Курсқа Алматы қалалық жедел шұғыл көмек көрсету ауруханасынан бірінші санатты дәрігер травматолог-ортопед Рашид Чачидзе қатысып, сертификат алды.
