Бүгін Алматы Қалалық жедел шұғыл көмек көрсету ауруханасына Қытайдан (Аньхой, USTC) ғылыми қызметкер, медицина ғылымдарының докторы, ортопедия профессоры Чэнь Чжу келді.

Профессор Чэнь Чжу – ортопедия саласындағы танымал маман әрі оның тірек-қимыл аппаратының түрлі аурулары мен жарақаттарын емдеуде тәжірибесі мол.

Қытайдан келген қонақ өз тәжірибесі мен білімін травматология және ортопедия бөлімшелерінің дәрігерлерімен бөлісіп, «Тізе және жамбас буынын ревизиялық эндопротездеу» тақырыбында баяндама жасады. Бұл тақырып травматолог-ортопедтер үшін өзекті және маңызды, өйткені ревизиялық эндопротездеу күрделі де жауапты процедура.

Профессор Чэнь Чжу ревизиялық эндопротездеу әдістері туралы егжей-тегжейлі айтып, өзінің жеке бақылаулары және зерттеу нәтижелерімен бөлісті. Оның дәрісі осы саладағы соңғы тенденциялар туралы біле алған дәрігерлеріміз үшін пайдалы болды.

Сонымен қатар, дәрігер Чэнь Чжу травматология және ортопедия бөлімшесіндегі науқастарға бірқатар кеңес беріп, он шақты амбулаториялық емделушіні қабылдады.

Қытайлық дәрігердің сапары нәтижелі және мазмұнды болды.

Профессор Чэнь Чжуға ортопедиялық медицинаның дамуына қосқан құнды үлесі және өз тәжірибесін бөлісуге дайындығы үшін алғыс білдіреміз. Мұндай тәжірибе алмасу біздің үздіксіз оқу және даму үдерісіміздің маңызды бөлігі.