Урология бөлімшесі

Алматы қалалық жедел шұғыл көмек көрсету ауруханасының урология бөлімшесі 25 төсек-орынмен жабдықталған.

Урологиялық бөлімшенің міндеті – Алмалы және Алатау аудандарының тұрғындарына жедел урологиялық көмекті жоғары кәсіби деңгейде көрсету, сонымен қатар Қазақстан Республикасының тұрғындарына жоспарлы урологиялық көмек көрсету.

Урология бөлімшесі кең ауқымды урологиялық және андрологиялық патологиялары бар науқастарға клиникалық тексеру мен емдеуді жүргізеді, ашық және эндоскопиялық араласудың барлық түрлері, пластикалық және реконструктивтік оталар жасалады.

Бөлімше дәрігерлері бүйрек пен зәр шығару жолдарына урологиялық араласудың кең спектрін жақсы меңгерген.

Бөлімше мамандары емдейтін урологиялық аурулар:

• несеп-тас ауруының барлық көріністері: кез келген мөлшердегі және кез келген локализациядағы бүйрек пен несепағардағы тастар;

• зәр шығару бұзылатын аурулар: қуық асты безінің аденомасы, қуық мойынының склерозы, уретраның тарылуы, қуық тастары;

• кез келген мөлшерде және кез келген локализациядағы бүйрек жылауықтары;

• гидронефроз

• варикоцеле (тамырлардың шоқ тектес өрімді варикозды ұлғаюы);

• атабез қабықтарының шемені, атабез қосалқысы жылауықтары;

• фимоз;

• қуықтың папилломалары мен ісіктері, несеп жолдары полиптері;

• созылмалы простатит (талшықты, конгестикалық, бактериялық, бактериясыз);

• жыныстық жолмен берілетін аурулар (хламидиоз, микоплазмоз, уреаплазмоз, гарднереллез және т.б.);

• созылмалы және жедел цистит.

Хирургиялық араласулар:

• атабез қабықтары шемені кезіндегі оталар;

• циркумцизия;

• бүйрек жылауығы қабырғаларын кесу;

• нефропексия;

• нефрэктомия;

• шәует бау тамырларының резекциясы;

• аденомэктомия;

• нефро-пиело-уретеролитотомия

Эндоскопиялық оталар:

• контактілі лазерлік литотрипсия – дистанционды литотрипсия тиімсіз, техникалық мүмкін емес немесе қандай да бір себептермен қарсы болған жағдайларда несепағардағы тастарды ұсақтау және алып тастау;

• Перкутанды нефролитотрипсия

• Иілгіш уретерореноскоптың көмегімен бүйрек шыныаяқтарындағы тастарды алу.

• ішкі дренажды катетерді (стентті) орнату/алып тастау;

• қуық асты безінің аденомасының трансуретральды резекциясы;

• оптикалық уретеротомия;

• шәуат бау тамырларының резекциясы;

• лапароскопиялық ретроперитонеальды кесу

Жоғары санатты дәрігер-уролог-хирург, Қазақстан Республикасы денсаулық сақтау ісінің үздігі,Алматы қаласының штаттан тыс бас урологы

Телефоны: 8-777-214-09-27