Колопроктология және тамыр хирургиясы бөлімшесі – клиниканың құрылымдық бөлімшесі, ол бейінді мамандандырылған медициналық көмек көрсетеді. Бөлімше заманауи емдеу-диагностикалық жабдықпен толық жабдықталған.
Бөлімшеде жоғары білікті дәрігерлер қызмет көрсетеді. Бүгінде мұнда 3 дәрігер және 11 орта және кіші медицина қызметкері жұмыс істейді. Бөлімшеде 21 төсек-орын, соның ішінде тамыр хирургиясы бейіні бойынша 5 төсек-орын бар.
Бөлімше меңгерушісі – Нуспекова Динара Тулендиевна – медицина ғылымдарының магистрі, PhD, жоғары санатты дәрігер.
Бөлімше дәрігерлері
- Агибаева Ажар Галымовна – дәрігер колопроктолог;
- Елеуов Нурсултан Асылханович – дәрігер колопроктолог;
- Нургалиев Асет Кемелбаевич – тамыр хирургі.
Бөлімше келесі ауруларды емдеумен айналысады:
Колопроктологиялық аурулар:
- Жедел және созылмалы геморрой;
- Жедел және созылмалы анал жарығы;
- Жедел парапроктит;
- Тік ішек жыланкөзі;
- Эпителийлік құйыишақ жолы;
- Анал өзегі және перианал аймағы сүйелдері;
- Ректоцеле;
- Ректовагиналды жыланкөз;
- Тік ішек пен тоқ ішек полиптері;
- Ойық жаралы колит және Крон ауруы;
- Пресакралді жылауық;
- Тоқ ішектің дивертикулез ауруы;
- Тік ішектің түсуі;
- Анал қысқышының жетіспеушілігі;
- Тік ішек пен анал өзегінің жарақаттары;
- Тік ішектегі бөгде заттар;
- Проктиттер және проктосигмоидиттер.
Тамыр аурулары:
- Тығындалушы атеросклероз;
- Тығындалушы эндартериит;
- Жедел артериялық өтімсіздік;
- Көктамырдың варикоздық кеңеюі;
- Беткей көктамыр жүйесінің тромбозы.
Бөлімшеде келесі ота түрлері жүргізіледі:
- Барлық проктологиялық ота, соның ішінде созылмалы геморрой мен анал жарығын радикалды емдеу, аноректалды жыланкөз бен абсцесті жою;
- Бұт пен жамбас түбінің патологиялары бойынша оталар (ректоцеле, ректовагиналды жыланкөз, анал қысқышының жетіспеушілігі, тік ішектің түсуі);
- Негізгі артерияларға диагностикалық аортография, ангиография және флебография;
- Негізгі артерияларға стент қою (аяқ-қол тамырлары);
- Күретамыр-көктамыр мальформациялары кезінде рентгенэндоваскулярлық эмболизация және беріштеу.
Бөлімше қызметкерлері пациенттерге сапалы әрі кәсіби медициналық көмек көрсету үшін үздіксіз білімін жетілдіріп, заманауи емдеу әдістерін қолданады.