Алматы Қалалық жедел шұғыл көмек көрсету ауруханасына Әзербайжан Республикасынан делегация келді

Алматы Қалалық жедел шұғыл көмек көрсету ауруханасында Әзербайжан Республикасынан келген делегация қабылданды. Делегация құрамында Әзербайжан медициналық университетінің өкілдері мен Баку медициналық колледждерінің мамандары болды.

Делегацияға аурухананың негізгі бөлімшелері бойынша таныстыру экскурсиясы жүргізіліп, жедел көмек көрсету жүйесі көрсетілді. Сондай-ақ қонақтарға аурухананың қызметі және медбикелік істің дамуы туралы презентация ұсынылды.

Бұл сапар қазақстандық және әзербайжандық мамандар арасындағы тәжірибе алмасуға, медбике ісі тәсілдерін талқылауға және кәсіби ынтымақтастықты нығайтуға мүмкіндік берді.